دعای فرج
دهه محرم

فرا رسیدن ایام سوگواری سرور و سالار شهیدان :امام حسین علیه السلام و هفتادو یار باوفایش بر عموم شیعیان جهان و محبان آنحضرت تسلیت باد
بزرگ فلسفه قتل شاه دین این است ---که مرگ سرخ به از زندگی ننگین است
نه ظلم کن به کسی و نه زیر بار ظلم برو ---که این مرام حسین است و منطق دین است مرکز دانلود نوحه و مداحی و اشعار و نوحه های ایام فاطمیه

مرکز دانلود نوحه و مداحی و اشعار و نوحه های ایام فاطمیه

مادر دو جهان فاطمه جان دل به تو بستیم محبان تو هستیم ـ نظرکن زعنایت به فردای قیامت

صحاف تبریزی



نام نوحه:دفن حضرت فاطمه زهرا(سلام الله عليها)

اثر مرحوم : استاد محمدحسين جنتي مقام متخلص به صحاف اهل تبريز

سالاندا ياده غم اهلبيت اطهاري
يوزه گوزوم ياشي بي اختيار اولور جاري
خصوص آلاندا بتولين مصيبتين نظره
تصور ايلديقيم حال اود سالور جگره
ايدور او نوعي مني غرق بحر درد و ملال
آخار عذاريمه بي اختيار اشک زلال
او گونکه قويدي جهانه قدم او کان حيا
اولوب انيسي بلا همدمي فغان و نوا
تمام عمريني اون سکز ايل ايدوبله رقم
چکوب آز عمريله عالمده چوخ مصيبت و غم
توکولدي اوستنه بير نوع محنت و آلام
گونوزلره توکوليدي اولوردي ليل ظلام
با شي آيلمادي بير لحظه شور غوغادن
شهيده گيتدي گيدن وقت دار دنيادن
گلوب عمواوغلي سي جان تاپشوران زماننده
گوزيني آچدي گوروب مرتضاني ياننده
اوجالدي ناله سي دلدن سپهر مينايه
وصيت ايتدي نچه سوز علي اعلايه
ديدي عم اوغلي گيجه وقتي غسل ويرمنه سن
جنازم اوستنه قويما قدم قويا دشمن
عمل وصيتنه ايلدي او شاه زمن
گوتورديلر گيجه وقتي جنازه ني يردن
گيجه زماني قرانلوق علي ده باخ صبره
يتوردي حضرت زهرا جنازه سين قبره
همينکه فاطمه دفنيندن اولدي فارغبال
او آز جماعتي قيتردي شاه عرش جلال
زبس قراريني آلميشدي فرقت زهرا
کنار قبرده اگلشدي دلده آه و نوا
چکوبدي جان کيمي زهرا مزارين آغوشه
او قدري دل ديدي دلدن دوشوب گيدوب هوشه
آپاردي هوش او شهي غصه دن سسي باتدي
خيال فاطمه ني سانما باشدان آتدي
همان او حالده روياده گوردي زهراني
سپهره اوج ايليوب آه و داد و افغاني
کمال حسرتيله مرتضايه بير باخدي
شرار آه دلي کوني ياندوروب ياخدي
ديدي عم اوغلي بو نه خواب استراحتدور
يتيم اوشاقلاريما ايندي مين قيامتدور
عذاره سيل سرشگون عم اوغلي باغلاما چوخ
اوزون هلاک ايليوب قبريم اوسته آغلاما چوخ
اوزون بو مطلبه عالم سن اي امام زمن
هنوز دويماميشام اوز بالالاريمدان من
فلک آرايه عجب سنگ تفرقه سالدي
گيدوب سوراق ايله گور هاردا زينبيم قالدي
دايانما سرعتله دودمانه قيل رجعت
اگر چه يا علي زحمتدي قوي منه منت
حسينيم ايندي اولوب خواب نازدن بيدار
آناسين آختاروري اي شهنشه ابرار
حسينيم آغلاسا افلاکه شيونيم دايانور
هميشه روحيم عم اوغلي حسينلن دولانور
بيله خيال ايلمه کسمشم علاقه مي من
حسيني چوخ سورم يا علي اوزون بلوسن
آنا ديور دولانور گوزياشي آخور يوزينه
فدادي روحيم حسينون او آغليان گوزينه
اماندي قويما ويره چوخ اجازه گوزياشينا
منيم يريمه محبتله چک الون باشنا
گوزون گوتورمه داخي نورهردو عينمدن
خصوص زينب و کلثوميله حسينمدن
اولاردان اوتري قبول ايتديم هر مصيبتي من
مباد غملنه دلدن حسينميله حسن
بير آن اولمادي خدمتلرينده منده قصور
اولاردان اوتري من اولدوم يهوديه مزدور
ديديم نقدر چکم غصه جانه منتدور
حسين خدمتي سرمايه شرافتدور
هامي بلالريني خسته جانمه آلديم
اولاردان اوتري من اوچ گونلريله آج قالديم
اوقدر غصه چکوب غنچه گل کيمي سولديم
قاپوم ياناندا قولوم سندي غصه مرگ اولديم
دوزوب مشقته عزت لباسني سويدوم
جوانليقيمدا عم اوغلي حياتدن دويديم
بالالاريم ييري وار روز شب گله داده
النجه آغليالار بير بو قلبي ناشاده
ايدوب نوا ديه لر درد و غم چکن آنا واي
زمانه ده يوزي هر لحظه گلمين آنا واي
اله گتورمدي بو روزگار مطلبمي
يريمده نايبه قويدوم بلالي زينبمي
او دا منيم کيمي عالمده چوخ بلايه دوشر
حسينميله يولي دشت کربلايه دوشر
او چولده رنگ ملال و مصيبته بويانور
ياناندا خيمه لري آهي گويلره دايانور
حسين يتيمه لرين بير به بير يقار باشنا
ويرر اجازه او صحراده قانلي گوز ياشنا
الولا معجريني ساچلارين سالور يوزينه
سپاه کوفه و شام ايتمز اعتنا سوزينه
الهي لطفويله بو شب وفات بتول
بو جزئي خدمتي اوزون گل ايله قبول
حسين قبرينه ايسته صحاف بي ياري
بو نوحه خوانله اولسون او قبر زواري

نويسنده: رحيم سهرابي از تبريز

منبع اصلي: کتاب گلشن شهدا اثر زنده ياد
محمدحسين جنتي مقام متخلص به صحاف
ناشر : انتشارات فخر آذر تبريز

----------------------------------------

نام نوحه: زبانحال حضرت فاطمه زهرا به حضرت اميرالمومنين

اثر موحوم : استاد محمدحسين جنتي مقام متخلص به صحاف اهل تبريز

باشيم اوسته گل يتيشدي موسم هجران عم اوغلي
گوزلريم گورسون جمالون جان ويروم آسان عم اوغلي

اي شه ملک ولايت ايله بير قران تلاوت
اي جمال حقه مظهر خسرو گردون جلالت
محتضر گورسه جمالون جان ويرر جانانه راحت
ايستورم بو صون نفسده درک ايدم منده سعادت
جان ويرم جانانه آسان اي شه دوران عم اوغلي

دو قوز ايل بو ايوده ويرديم من سنه هر نوع زحمت
قيل گذشت اولسا قصوريم اي شهنشاه ولايت
ايليوم آسوده خاطر داعي حقي اجابت
قالماسون قلبيمده حسرت بو دم هجران عم اوغلي

دويماديم گر چه عم اوغلي من بو آز مدتده سندن
قالموري لاکن او قدري آيريلا روحيم بدندن
گوز گوتورمه سنده بير آن بو حسينيله حسندن
فرقتيمده ايلسون لر قويما چوخ افغان عم اوغلي

وار نچه عرضيم عم اوغلي لطف قيل بو دل فکاره
سن اوزون وير غسليمي قوي جسممي گزلين مزاره
ايتگين ايله قبريمي بو اشقياي کين شعاره
تيز قيتمه قبريم اوستن من سنه قربان عم اوغلي

زينب و کلثومي ديندير خوش دليله قيل محبت
اولسا امکانون نقدري مجتبايه ايله رافت
آغلاسون قويما حسينيم روحيمه اولسون اذيت
بو حسينمدور بولورسن جسميم ايچره جان عم اوغلي

وار باشندا بو حسينون پر اسف بير ماجراسي
آغلادور قان ماسواني ماجراي کربلاسي
باشني عطشان کسه لر کوفه و شام اشقياسي
گون قباقندا سالولار نعشني عريان عم اوغلي

بير باشيکه بسله ديم من سينم اوسته عزتيلن
ايسي کول اوسته قويالار بو باشي چوخ ذلتيلن
کوفه ده خولي ايوينده يوزده اشک حسرتيلن
باشني آغوشه آلام سينه سي سوزان عم اوغلي

گلمرم جان استه بيجا ناله و فرياد و داده
گزدوروللر قانلو باشين گون کيمي نوک جداده
قان اولور باغريم يزيدين ظلمني سالدوقجه ياده
خيزران الده ايدر چوخ ظلمده طغيان عم اوغلي

شافع محشر آتامدور مصطفا ختم رسالت
سن اوزون ساقي کوثر مرتضا شاه ولايت
ايلياخ محشرده با هم بيزده صحافه شفاعت
قويمياخ ياندورسون اوتدا آتش نيران عم اوغلي

نويسنده: رحيم سهرابي از تبريز
منبع اصلي: کتاب گلشن شهدا اثر زنده ياد
محمدحسين جنتي مقام متخلص به صحاف
ناشر : انتشارات فخر آذر تبريز

--------------------------------------

+